LEFAPHA LA BOLAODI BO IKEMETSENG BA DITLETLEBO
PAMPITSHANA YA TSHEBETSO YA BOLAODI BO IKEMETSENG BA DITLETLEBO HO YA KA KAROLO YA 14 YA MOLAO WA KGOTHALLETSO YA PHUMANTSHO YA LESEDI WA 2000 (MOLAO WA 2 WA 2000)
SELELEKELA
Karolo ya 14 ya Molao wa Kgothalletso ya Phumantsho ya Lesedi e hlalosa, hara tse ding, hore Mohlanka wa lesedi wa mokgatlo wa setjhaba o lokela ho ngola pampitshana ya tshebetso e mabapi le mokgatlo wa hae wa setjhaba nakong ya dikgwedi tse tsheletseng karolo eo e qadile ho sebetsa. Le ha ho le jwalo tlhaloso ena e ka fetolwa ke diphetoho tse ka etswang ke Letona la Toka le Ntshetsopele ya Molaotheo bakeng sa ho etswa ha pampitshana eo ya tshebetso le ho phatlalatswa ha yona Koranteng ya Mmuso.
Phatlalatso ya pampitshana ena ya tshebetso ya Bolaodi bo Ikemetseng ba Ditletlebo, ICD ka bokgutshwane, e thusa ho matlafatsa tse fuperweng ke karolo eo ya 14, le ho matlafatsa ditokelo tsa motho tsa motheo tsa ho fumantshwa lesedi le matsohong a Bolaodi bo ikemetseng ba ditletlebo, leo a le hlokang ho sebedisa ditokelo tsa hae le hona ho di sireletsa.
SEBOPEHO LE MESEBETSI YA ICD Karolo ya 141a
Sebopeho
ICD ke karolo e hlophisitsweng ka hara Tshebeletso ya Setjhaba. Sena se bolela hore, lebitsong la Molao wa Tshebeletso ya Setjhaba wa 1994 (Phatlalatso ya 103 ya 1994) ICD e nkuwa e le lefapha la mmuso.
ICD ke lefapha la mmuso la naha, mme e na le dibopeho tsa naha le tsa provinse. Sebopehong sa naha e okametswe ke Molaodi wa Phethahatso, mme provinseng e okametswe ke Hlooho ya Provinse. Dihlooho tsa Diprovinse tsa ICD di ikarabella ho Molaodi wa Phethahatso le ho laolwa ke yena.
Molaodi wa Phethahatso o behwa ke Letona la Paballeho le Polokeho ho ya ka tsamaiso e behilweng ke Letona tumellanong le Dikomiti (Dipotfolio) tsa Palamente. Basebetsi ba bang ba ICD ke batho ba behilweng ke Molaodi wa Phethahatso tumellanong le Letona la Paballeho le Polokeho ho ya ka melao e laolang tshebeletso ya setjhaba le batho ba bang ba ka romelwang nakwana kapa ba fetisetswa ruri ho ICD.
Ntlokgolo ya ICD e Pretoria. Diaterese tsa sebaka le tsa poso hammoho le dintlha tse ding tsa ho ikopanya le Ntlokgolo ya ICD ke tsena:
Nomoro ya mohala: 392 0400
Diaterese tsa sebaka le tsa poso hammoho le dintlha tse ding tsa ho ikopanya le dikantoro tsa diprovinse ke tsena:
Johannesburg
Marshalltown
Nomoro ya mohala: 838 2875/6
Nomoro ya mohala: 426 0700
Nomoro ya mohala: 421 667/8
Durban
Durban
Nomoro ya mohala: 305 8370
Mpumalanga
Nomoro ya mohala: 752 4316
Limpopo
Polokwane
Polokwane
Nomoro ya mohala: 295 5561/5
Bloemfontein
Bloemfontein
Nomoro ya mohala: 430 8100/0872
Nomoro ya mohala: 831 7390
Mafikeng
Mafikeng
Nomoro ya mohala: 381 1490/1154
Ho ya ka sebopeho sa ka hare sa popeho le tshebetso, ICD e na le makala a mabedi a maholo, e leng, -
a Tsamaiso ya mokgatlo, ho kenyelletswa le Ditshebeletso tsa mokgatlo, Ditshebeletso tsa molao, Tsamaiso ya basebetsi, Thekenoloji ya Lesedi, Ditshebeletso tsa Phumantsho ya Disebediswa, Bohlakisi ba ka hare le Polokeho; le b Tsamaiso ya Tshebetso, ho kenyelletswa le Dipatlisiso, Ngodiso, Bodisa le Ntshetsopele Diphuputso.
Mesebetsi
Mosebetsi wa mantlha le taelo ya molao (ho ya ka Molao wa Tshebeletso tsa Sepolesa sa Afrika Borwa, Molao wa 68 wa 1995) ya ICD ke ho netefatsa hore ditletlebo mabapi le ditlolo le boitshwaro bo bobe bo bolelwang bo entswe ke ditho tsa Tshebeletso tsa Sepolesa sa Afrika Borwa (SAPS) le Ditshebeletso tsa Sepolesa sa Masepala (MPS) (Metseng ya ditoropo) di batlisiswa hantle le ka ho phethahala.
Ka sena molao o hlile o ikemiseditse ho fa ICD boikarabelo le mosebetsi wa ho disetsa setjhaba ke SAPS boo ho buuwang ka bona karolong ya 222 ya Molaotheo wa nakwana wa 1993. Karolo ena e hlalosa hore "ho tla thehwa le ho tsamaiswa ka Molao wa Palamente tsela e ikemetseng e laolwang ke setjhaba, ka sepheo sa ho netefatsa hore ditletlebo mabapi le ditlolo le boitshwaro bo bobe bo bolelwang bo entswe ke ditho tsa [Tshebeletso ya Sepolesa sa Afrika Borwa] di fuputswa hantle le ka ho phethahala."
Ho phethahatsa taelo le mesebetsi ena ICD
a e ka batlisisa ka boyona, kapa ka mora ho amohela tletlebo, boitshwaro bofe kapa bofe bo bobe kapa tlolo e bolelwang e entswe ke setho sefe kapa sefe sa SAPS kapa sa MPS, mme moo ho lokelang, e ka fetisetsa patlisiso e jwalo ho Khomishenara kapa ho Hlooho ya phethahatso e amehang;
b e lokela, ka boyona kapa ka mora ho amohela tletlebo, ho batlisisa ka lefu la motho ofe kapa ofe ya neng a tshwerwe ke SAPS kapa MPS, kapa le hlahileng ka baka la ketso ya SAPS kapa MPS;
c e ka fuputsa taba efe kapa efe e fetiseditsweng ho yona ke Letona la Paballeho le Polokeho kapa ke setho sa lekgotla la provinse.
Hodima tse seng di boletswe, mesebetsi ya ICD e ile ya boela ya eketswa ka Molao wa Tlhekefetso ya Malapeng wa 1998 (Molao wa 112 wa 1998). Molao ona o hlalosa hore ho hloleha ha setho sa SAPS ho ikamahanya le seo se lokelang ho se etsa ho ya ka Molao wa Tlhekefetso ya Malapeng kapa Taelo ya Naha e ntshitsweng ho ya ka Molao wa Tlhekefetso ya Malapeng, ke boitshwaro bo bobe jwalo ka ha o fuperwe ke Molao wa SAPS, mme ICD e lokela ho behelwa bofokodi boo ka ho otloloha. Hore molao ona o phethahale ho hlakile hore ICD e lokela ho sebedisa matla a yona a ho disa setjhaba ho netefatsa hore mefuta e jwalo ya boitshwaro bo bobe e batlisiswa hantle le ka ho phethahala ke SAPS.
Molao wa Tlhekefetso ya Malapeng o boela o hlalosa hore, ntle le ha ICD e ka laela ka mokgwa o mong tabeng e itseng, SAPS e lokela ho nka mehato ya tayo mabapi le setho sefe kapa sefe sa SAPS se bolelwang se sitwa ho ikamahanya le se se tlamang ho ya ka Molao wa Tlhekefetso ya malapeng. Moalo ona o bonahala ka hore ICD e lokela ho ikekeletsa mosebetsi ka ho lekola dikopo tsa ho lokollelwa ho nka mehato ya tayo tse tswang ho SAPS. Ka ho etsa hona ICD e etsa mosebetsi wa ho nnetefatsa hore SAPS ha e iphapanye mehato ya tayo maemong a dumelang hore e etse jwalo.
Ho phethahatsa mesebetsi ena yohle e boletsweng ya ICD, ICD e sebetsa e ikemetse, e sa itshetleha ka SAPS le MPS. Boikemelo bona ba ICD tshebetsong ya yona bo boela bo bontshwa ke tse latelang:
a ICD ha se karolo ya Lefapha la Paballeho le Polokeho, ebile ha e wele tlasa lona e dutse e le Karolwana e ka thoko, e ikgethang, mme e ikemetseng ka hara Tshebeletso ya Setjhaba le ha e ntse e kopanetse Letona – Letona la Polokeho le Paballeho – le SAPS.
b ICD e na le mohlanka wa yona ya ikarabellang Molaodi wa Phethahatso mme le ditekanyetso tsa yona tsa selemo di lebiswa ho yona ka ho otloloha ke Palamente, ka voutu e ka thoko.
MOTLATSI WA MOHLANKA WA LESEDI Karolo ya 141b
Ikemetseng la Ditletlebo
Nomoro ya mohala : 392 0401
Mohlanka wa Lesedi wa ICD e ka boela ya eba motho ofe kapa ofe ya tshwereng mokobobo mosebetsing oo.
Motlatsi wa Mohlanka wa Lesedi ya kgethilweng
Boemo : Motlatsi wa Motsamaisi: Puisano
Nomoro ya mohala : 392 0439
HLOKWANG KE BATHO BA LAKATSANG HO SEBEDISA TOKELO
EFE KAPA EFE E FUPERWENG KE MOLAO WA KGOTHALLETSO
YA PHUMANTSHO YA LESEDI KAROLO YA 141C
Tataiso ena e sa ntsane e lokela ho hlophiswa ke Khomishene ya ditokelo tsa botho ya Afrika Borwa ho ya ka karolo ya 10 . Ka hona ha ho kgonahale ho fana ka tlhaloso ya tataiso eo pampitshaneng ena ya tshebetso jwalo ka ha karolo ya 14 (c ) e laela. Le ha ho le jwalo, ka ha karolo ya 10 e laela Khomishene e boletsweng ho hlophisa tataiso e hlokahalang pele ho 15 Phato 2003, batho ba lakatsang ho fumana lesedi le fetang lena ba lokela ho ikopanya le Khomishene ya Ditokelo tsa Botho ya Afrika Borwa, Boundary Road, Isle of Houghton-Wilds View, Entrance 1, Houghton, Johannesburg 2198 kapa dinomorong tsa mohala 484 8300
DINTLHA KA BOTLALO TSE KA THUSANG KOPONG YA HO FUMANTSHWA REKOTO YA ICD, TLAHALOSO YA DITABA TSEO ICD E NANG LE DIREKOTO TSA TSONA LE DIHLOPHA TSA DIREKOTO TSE TENG MABAPI LE TABA KA NNGWE KAROLO YA 141d
Dintlha ka botlalo tse ka thusang kopong ya ho fumantshwa rekoto ya ICD
Kopo ya rekoto eo ICD e nang le yona e lokela ho ngolwa ka hore mokopi a tlatse foromo "Kopo ya ho fumantshwa Rekoto ya mokgatlo wa setjhaba,"
Foromo ya A, e fumanehang a ofising ya Motlatsi wa Mohlanka wa Lesedi ya kgethilweng, eo dintlha tsa ho ikopanya le yena di hlahisitsweng seratswaneng sa 2.2 se fetileng; kapa b ho e nngwe le e nngwe ya dikantoro tsa provinse tsa ICD tse bontshitsweng seratswaneng sa 1.1 sa pampitshana ena ya tshebetso.
Foromo ya A, eo ho yona ho hokelletsweng ditefello tse behilweng tse lefshwang ha motho etsa kopo ya ho fumantshwa lesedi, e tla hloka bonyane hore mokopi –
a a fane ka dintlha tse lekaneng ho thusa mohlanka wa ICD ho tseba i rekoto kapa direkoto tse koptjwang; le ii mokopi;
b a bontshe hore ke mokgwa ofe o kgonahalang wa phumantsho oo a o hlokang c a bolele hore rekoto eo ho buuang ka yona e ka thabelwa ha e ngotswe ka puo efe;
d a bolele ka ho hlaka aterese ya poso kapa nomoro ya feks ka hara Riphaboliki;
e ebang, hodima karabo e ngotsweng, mokopi a lakatsa hore a tsebiswe qeto mabapi le kopo ya hae ka mokgwa ofe kapa ofe, a bolele mokgwa oo le dintlha tsa bohlokwa tse tla etsa hore a tsebiswe ka ona;
f ebang kopo e etswa lebitsong la motho e mong, o lokela ho fana ka bopaki ba boemo boo mokopi a etsang kopo ka bona, mme bo kgotsofatse Motlatsi wa Mohlanka wa Lesedi.
Ha a qetile ka kopo ya hae, mokopi o lokela a ho romela kopo eo ya hae ka ho otloloha ho Motlatsi wa Mohlanka wa Lesedi, jwalo ka ha ho bontshitswe seratswaneng sa 2.2 pampitshaneng ena ya tshebetso, atereseng ya hae kapa nomorong ya feks kapa atereseng ya hae ya elektroniki; kapa b ho isa kopo ya hae ofising e haufi ya provinse ya ICD eo dintlha tsa yona ka botlalo di hlahisitsweng seratswaneng sa 1.1. sa pampitshana ena ya tshebetso. Ha ho le jwalo kantoro ya provinse ya ICD e tla re hoba e amohele kopo e fe mokopi setlankana se pakang ho amohelwa ha kopo ke ofisi eo.
Mokopi, eo ka baka la ho se tsebe ho bala kapa ka baka la boqhwala, a sa kgoneng ho etsa kopo ya ho fumantshwa rekoto ya ICD ho ya ka diratswana tsa le 4.1.2 tsa pampitshana ena ya tshebetso, a ka etsa kopo eo ka molomo.
Mokopi ya jwalo a ka etsa kopo ya hae ya molomo ho –
a Mohlanka wa Lesedi ya kgethilweng b Hlooho ya provinse kapa eo a mo fileng matlaya ofisi ya provinse eo mokopi e ileng ho yona ho ya etsa kopo eo ya molomo.
Motlatsi wa Mohlanka wa Lesedi ya kgethilewng o tla ngola kopo eo ya molomo fatshe mme a fe mokopi khopi ya yona. Ebang mokopi a entse kopo ya hae ho Hlooho ya provinse eo ho buuang ka yona seratswaneng sa 4.1.4(b) sa pampitshana ena ya tshebetso, Hlooho eo ya provinse e tla ngola kopo eo fatshe mme e fe mokopi khopi ya yona.
Ha mokopi a tsebisa Motlatsi wa Mohlanka wa Lesedi ya kgethilweng, kapa moo ho hlokahalang, Hlooho ya provinse kapa moemedi wa hae, hore o lakatsa ho etsa kopo ya ho fumantshwa rekoto ya ICD, Mohlanka wa Lesedi ya kgethilweng o tla fana ka thuso e jwalo ntle le tefo, e le ho thusa mokopi ho ipapisa le diratswana tsa 4.1.1 le 4.1.2 tsa pampitshana ena ya tshebetso.
Ebang ka nako eo ho amohelwang kopo ya mokopi ya ho fumantshwa rekoto ho bonahala hore kopo eo e ne e lokela ho etswa mokgatlong o mong wa setjhaba, Motlatsi wa Mohlanka wa Lesedi ya kgethilweng o tla –
a fana ka thuso e hlokahalang ho etsa hore mokopi a kgone ho etsa kopo ho Mohlanka wa Lesedi wa mokgatlo wa setjhaba o nepahetseng; kapa b fetisetsa kopo eo ho mohlanka wa lesedi ya lokelang, ho tla tswa feela ho hore naa ke mokgwa ofe o tla potlakisa ho sebetswa ha kopo eo.
Ebang mokopi a entse kopo ya ho fumantshwa rekoto e sa tsamaelaneng le diratswana tsa 4.1.1 le 4.1.2 tsa pampitshana ena ya tshebetso Motlatsi wa
Mohlanka wa Lesedi ya kgethilweng a ke ke a hana kopo eo ka baka la ho se tsamaelane hoo ntle le ha Motlatsi wa Mohlanka wa Lesedi ya kgethilweng –
a a tsebesitse mokopi eo ka maikemisetso a ho hana kopo mme a hlalositse tsebisong eo i mabaka a ho hana ho hopotsweng ii hore mohlanka wa lesedi ya kgethilweng kapa mohlanka e mong ya thontsweng o tla thusa mokopi ho hlahisa kopo ka tsela e tla tlosa mabaka a ho hanwa;
b a file mokopi monyetla o lekaneng wa ho batla thuso e jwalo;
c ka moo ho ka kgonahalang ka teng, a ka fa mokopi lesedi lohle, ho kenyelletswa le lesedi mabapi le direkoto ntle le lesedi leo kopo e ka hanwang kapa e lokelang ho hanwa ka lona ho ya ka tse fuperweng ke Kgaolo ya 4 ya Karolo ya 2 ya Molao oo tse matsohong a ICD tse amanang le kopo, tse ka thusang ho etsa kopo ka mokgwa o jwalo; mme d a file mokopi sebaka se lekananeng ho tiisa kopo ya hae kapa ho e fetola hore e tsamaellane le diratswana tsa 4.1. le 4.1.2 tsa pampitshana ena ya tshebetso.
Ditaba tseo ICD e nang le direkoto tsa tsona le dihlopha tsa direkoto tse teng tabeng ka nngwe
DITABA TSA DIREKOTO TSE TENG DIHLOPHA TSA DIREKOTO
A TSAMAISO YA MOKGATLO
Taolo a Tsamaiso ya tsa basebetsi a Direkoto tse mabapi le dipapatso;
b Direkoto tse mabapi le ho thaotha;
c Direkoto tse mabapi le thupelo d Direkoto tse mabapi le tlhahlobo ya basebetsi;
e Direkoto tse mabapi le ho hlahlobelwa mosebetsi o itseng;
f Direkoto tse mabapi le mehato ya tayo e nkilweng kapa e tla nkelwa basebetsi;
g Direkoto tsa ditletlebo tse hlahisitsweng ke basebetsi;
h Direkoto tse mabapi le Persal;
i Direkoto tsa difaele tsa motho ka mong tsa basebetsi.
b Tsa tshehetso: Phumantsho a Direkoto tse mabapi le ho reka;
b Direkoto tse mabapi le tsamaiso;
c Direkoto tse mabapi le maeto a mosebetsi.
c Tsa tshehetso: Ngodiso a Methati e latelang e mene ya direkoto:
i Direkoto tsa makunutu a maholo;
b Direkoto tsa mangolo a kenang le a tswang;
d Tsa tshehetso: Polokeho a Direkoto tse mabapi le dikgokahano tsa polokeho ya ICD
b Direkoto tse mabapi le ho kgetha basebetsi;
e Thekenoloji ya Lesedi: a Direkoto tse mabapi le polokeho ya
b Direkoto tse mabapi le tsamaiso ya
c Direkoto tse amanang le tlhokomelo ya ditaba tse bolokilweng ke ICD.
f Bohlakisi ba ka hare a Direkoto tsa hlahlobo le tekolo botjha ya taolo ya ka hare;
b Direkoto tsa manollo ya tse ka bang kotsi ho ICD;
c Direkoto tse mabapi le dikamano le
Komiti ya Bohlakisi.
d Dipehelo tsa Bohlakisi ba ka hare.
Tsamaiso ya puisano a Puisano le Boithekiso a Direkoto tse mabapi le boithekiso ba ICD
b Direkoto tse mabapi le kgokahano;
c Direkoto tse mabapi le puisano ya ka hare;
d Direkoto tse mabapi le puisano ya ka ntle;
e Direkoto tse mabapi le manollo ya boraditaba.
Tsamaiso ya ditjhelete a Ditjhelete a Direkoto tse mabapi le tefo ya basebetsi;
b Direkoto tse mabapi le ditefo tse entsweng ke ICD;
c Direkoto tse mabapi le ditjheke tse lefilweng d Direkoto tsa tshebediso ya tjhelete;
e Direkoto tsa ditekanyetso;
f Direkoto tse mabapi le tshebedisano le
Ramatlotlo wa naha le Mohlakisi-kakaretso.
Ditshebeletso tsa molao a Ditshebeletso tsa molao a Direkoto tsa maikutlo/dikeletso tsa molao tseo ho fanweng ka tsona;
b Direkoto tse mabapi le ditaba tse hlahisitsweng dipotfolio komiting tse fapaneng;
d Direkoto tsa maikutlo ka meralo ya melao e amehang;
e Direkoto tse mabapi le ditumellano pakeng
Ditshebeletso tsa Sepolesa sa Afrika Borwa le sa Bomasepala mabapi le diphuputso tsa
ICD le tshebediso ya matla a sepolesa ke
f Direkoto tse mabapi le ngollano mahareng a Molaodi wa Phethahatso le Letona la Paballeho le Polokeho, Khomishenare ya Tshebeletso tsa Sepolesa sa Afrika Borwa, Molaodi wa Naha wa Botjhotjhisi ba Setjhaba bathahaselli ba bang;
g Direkoto tse mabapi le puisano le kgokahano le Leqwetha la Mmuso,
Moeletsi wa Mmuso wa molao le
Ditshebeletso tsa molao tsa Sepolesa sa masepala sa Afrika Borwa;
h Direkoto tse mabapi le ditaba tsa tayo tsa ICD;
i Direkoto tse mabapi le Tselatsamaiso ya
Botsamaisi bo boholo le Tselatsamaiso ya
Tlahabollo ya Botsamaisi bo boholo;
j Direkoto tse mabapi le ho etswa ha melao e amang ICD;
kDirekoto tse mabapi le thupelo ya molao ya basebetsi ba ICD;
l Direkoto tse mabapi le dikopo tsa ho fuwa matla a bopolesa;
m Direkoto tse mabapi le ho phatlalatswa ha
Lesedinyana la ditaba la ka hare;
n Direkoto tse mabapi le tsamaiso le taolo ya laeborari ya Ntlokgolo; hammoho le
Direkoto tse mabapi le ho ralwa botjha ha
Molao wa Tshebeletso tsa Sepolesa tsa
Afrika Borwa.
B TSAMAISO YA TSHEBETSO
a Ngodiso ya ditletlebo a Direkoto tse mabapi le tlhophiso le ngodiso ya ditletlebo tse amohetsweng;
b Direkoto tse mabapi le ho ajwa ha difaele tsa diphuputso le tsa ho disa;
c Direkoto tse mabapi le dipalopalo;
d Direkoto tse mabapi le ditletlebo tse amohetsweng ke ICD; hammoho le e Direkoto tse mabapi le mesebetsi e ka hlahang ka tshohanyetso le Leano la
b Ho disa le ho ntshetsa pele a Direkoto tse mabapi le ho disa ditaba tse fetiseditsweng ho SAPS ho di fuputsa;
b Direkoto tse mabapi le diphuputso tse entsweng;
c Direkoto tse mabapi le seabo sa ICD ho ho kenngwa tshebetsong ha Molao wa
Tlhekefetso Malapeng; le d Direkoto tse mabapi le thupelo ya badisa.
c Dipatlisiso: a Direkoto tse mabapi le dipatlisiso tsa bosenyi tse ntseng di etswa ICD;
b Direkoto tse mabapi le kgokahano le
Molaodi wa Botjhotjhisi ba Setjhaba;
c Direkoto tse mabapi le thupello ya bafuputsi;
d Direkoto tse mabapi le kgokahano le
Ditshebeletso tsa Sepolesa sa Afrika
Borwa le tsa Masepala;
d Kantoro ya Molaodi wa Phethahatso a Direkoto tse mabapi le ditletlebo ka ICD;
b Direkoto tse mabapi le ditaba tsa ICD tse hlahileng masedinyaneng a ditaba;
c Direkoto tse mabapi le dinyewe tsa boemo bo phahameng;
d Direkoto tse mabapi le dikgothalletso;
e Direkoto tse mabapi le ditekanyetso tsa kantoro ya Molaodi wa Phethahatso;
f Direkoto tsa ditaba tsa lekunutu tse mabapi le ditletlebo tse hlahisitsweng mabapi le dikantoro tsa dirijene tsa ICD;
g Direkoto tse mabapi le diqeto tsa dikopano tsa botsamaisi bo boholo;
h Direkoto tse mabapi le baamehi ba matjhaba;
i Direkoto tse mabapi le bafani ba ditaba ba ka ntle ba ngodisitsweng ke Molaodi wa Phethahatso.
b Direkoto tse mabapi le bong;
c Direkoto tse mabapi le boqhwala;
d Direkoto tse mabapi le Lenaneo la Thuso ya Basebetsi.
TEMOSO YA MORAORAO, HO YA KA KAROLO YA 152, MABAPI LE DIHLOPHA TSA DIREKOTO TSA ICD TSE KA FUMANEHANG NTLE LE HORE MOTHO A KOPE HO DI FUMANTSHWA HO YA KA MOLAO KAROLO YA 141e
Ere ka ha Mohlanka wa Lesedi ha a eso fe Letona la Toka le Tlhabollo ya Molaotheo, ho ya ka karolo ya 15 , tlhaloso ya dihlopha tsa direkoto tsa ICD tse ka fumanehang feela ntle le hore motho a etse kopo ya phumantsho ho ya ka Molao, Letona leo, ka baka leo, ha le eso ka le phatlalatsa temoso eo Koranteng ya Mmuso ho ya ka karolo ya 15 . Le ha ho le jwalo, dntlha ka botlalo mabapi le temoso eo ho ya ka karolo ya 15 di tla phatlalatswa pampitshaneng ya tshebetso ya ICD e ntlafaditsweng kgweding ya Hlakola 2004.
TLHALOSO YA DITSHEBELETSO TSEO SETJHABA SE KA DI FUMANANG HO ICD LE KA MOO DI KA FIHLELWANG KA TENG
Ditshebeletso tseo setjhaba se ka di fumanang ho ICD
Ditshebeletso tse latelang di a fumaneha:
Ho batlisiswa ha ditletlebo tse amohelwang ho tswa setjhabeng mabapi le boitshwaro bo bobe kapa tlolo kapa ditlolo tsa molao tse bolelwang di entswe ke ke setho kapa ditho tsa SAPS kapa tsa MPS: E lokela ho ba ditletlebo tse nang le motheo, tse utlwahalang.
Patlisiso ya mafu ohle a hlahileng motho a le matsohong a SAPS kapa MPS
kapa ka lebaka la diketso tsa SAPS kapa MPS.
Ho tsebiswa ha batletlebi nako le nako ka tema e seng e kgathilwe dipatlisisong tsa ditaba tsa bona.
Ho fana ka tshebeletso ya boahlodi moo ho hlokahalang ho batho ba bileng le mathata a tshebeletso ao ho ona ditho tsa SAPS le MPS di amehang.
Patlisiso ya ditletlebo tse hlahlamantsweng tse tswang mahlatsipeng a tlhekefetso ya malapeng ( kapa batletlebi ba bang ba welang mokgeng ona)
moo ho bolelwang hore setho kapa ditho tsa SAPS kapa MPS ha di a etsa ka moo di lokelang ho ya ka Molao wa Tlhekefetso ya Malapeng.
Ho tsamaisa mananeo a phadimehiso setjhabeng, haholoholo nakong tsa beke ya Imbizo, Matsatsi a 16 a ho Emela Tlhekefetso ya Basadi ka Maoto, letsatsi la tlwaelo le Letsatsing la matjhaba la diqhwala.
Ho hasanya dipampitshana tse hlalosang mesebetsi ya ICD hara setjhaba.
Ho ba le seabo matsholong a mmuso ao sepheo sa ona e leng ho kgothalletsa phadimeho ya setjhaba mabapi le HIV/AIDS, ditaba tsa batjha le ditokelo tsa bana le tsa diqhwala, thibelo ya tlhekefetso ya basadi le bana e etelletsweng pele ke mmuso ka ho ntlafatsa tsebo ya setjhaba ka ditaba tse mabapi le tekatekano ya bong le ditokelo tsa basadi, hammoho le phediso ya mefuta yohle ya tlhekefetso, ho kenyelletswa le tlhekefetso ka motabo le kgethollo ya botjhaba.
Motho e mong le e mong, ho kenyelletswa le ditho tsa Ditshebeletso tsa
Sepolesa sa Afrika Borwa le sa Masepala, o na le bolokolohi ba ho tlaleha lefu lefe kapa lefe la motho le amanngwang le sepolesa le ketso ya bosenyi kapa boitshwaro bo bobe bo bolelwang ba setho sa Ditshebeletso tsa sepolesa tsa
Afrika Borwa le tsa Masepala ho ICD ofising e haufi le yena ho tse boletsweng seratswaneng sa 1.1 sa pampitshana ena ya tshebetso.
Setjhaba le sona se bolokolohing ba ho hlahisa ditletlebo tsa sona mabapi le ho se sebeletswe hantle ke ditho tsa Ditshebeletso tsa Sepolesa sa Afrika Borwa kapa tsa Masepala diofising tsa ICD tse haufinyana jwalo ka ha di boletswe seratswaneng sa 1.1 sa pampitshana ena ya tshebetso.
Mahlatsipa a tlhekefetso ya malapeng a tlalehetseng Ditshebeletso tsa Sepolesa sa Afrika Borwa kapa sa Masepala diketso tsa tlhekefetso ya malapeng tse entsweng ho ona, mme a hlokomela kapa a belaela hore ditho tsa sepolesa tseo diketsahalo tseo di tlalehilweng ho tsona ha di a sebetsa ka moo Molao wa
Tlhekefetso ya malapeng o di laelang ka teng, a ka tlaleha ho iphapanya boikarabelo hoo ha ditho tse boletsweng ho ICD ofising e haufinyana ho tse boletsweng seratswaneng sa 1.1 sa pampitshana ena ya tshebetso.
Mahlatsipa a tlhekefetso ya malapeng a boetse a lokolohile ho ka tlalehela ICD
ka ho otloloha ka diketso tse jwalo tse entsweng ho bona.
TLHALOSO YA DITLHOPHISETSO TSA KA MOO MOTHO A KA HLAHISANG MAIKUTLO KAPA A BA LE SEABO HO ETSWENG HA LEANO KAPA TSHEBEDISONG YA MATLA KAPA HO ETSENG MOSEBETSI HA ICD KAROLO YA 141g.
ICD ha e na tlhophisetso eo ka yona motho a ka hlahisang maikutlo kapa a ba le seabo kapa a ba le tshusumetso ya ho etswa ha leano kapa tshebediso ya matla kapa ho etswa ha mosebetsi ke ICD. Maano a ICD a hlahiswa ke ICD ka boyona ka hare, ho sa kenyelletswe ho ba le seabo kapa tshusumetso ya motho e mong.
TLHALOSO YA TSE KA ETSWANG HO LOKISA PHOSO YA KETSO KAPA HO SE PHETHISE HA ICD Karolo ya 141h
Ho ka lokiswa tjena:
Molao ona, -
Ho latela karolo ya 74 Mokopi a ka etsa boipiletso ba ka hare ho Letona la
Paballeho le Polokeho mabapi le qeto ya Mohlanka wa Lesedi a ya ho hana kopo ya phumantsho ya rekoto; kapa b e nkilweng ho ya ka karolo ya 22 ke hore, qeto e mabapi le tefo ya peheletso tjheleteng e lefshwang ke mokopi ho fumntshwa direkoto, 261 ke hore, ho fihla nakong ya matsatsi a mashome a mararo ao ka ona Mohlanka wa Lesedi a lokelang ho nka qeto ya ho dumela kapa ho hana ho fana ka tumello ya ho fumantshwa direkoto kapa 293ke hore, qeto ya ho se fane ka tumello ya ho fumantshwa rekoto ka mokgwa oo kopo e entsweng ke mokopi,
Ho latela karolo ya 74 motho wa boraro a ka etsa boipiletso ba ka hare mabapi le qeto e nkilweng ke Mohlanka wa Lesedi wa ICD ho fana ka tumello ya phumantsho ya rekoto ho Letona la Paballeho le Polokeho.
Mokopi kapa motho wa boraro eo ho buuang ka yena karolong a 74 bona diratswana tsa 8.1.1 le 8.1.2 tsa pampitshana ena ya tshebetso a ka kopa thuso lekgotleng la dinyewe feela ha a se a latetse mehato yohle ya boipiletso ba ka hare mabapi le qeto ya Mohlanka wa Lesedi.
Ho tadimilwe maemo ao ICD e entseng ketso eo kapa e hlolehileng ho phethisa tlasa ona hammoho le ditholwana tsa ketso kapa ho se etse hoo ekasitana le ditshenyehelo tsa molli ka baka la ketso kapa ho se etse hoo moipelaetsi kapa molli a ka bula nyewe ya bosenyi Ditshebeletsong tsa Sepolesa sa Afrika Borwa a qosa mosebeletsi wa ICD ya neng a le mosebetsing kapa a makalla ICD
nyeweng ya ditshenyehelo.
Motho ya lakatsang ho thibela ICD ho sebetsa ka tsela e itseng kapa ho e thibela ho hloleha ho phethisa mesebetsing ya yona, a ka etsa kopo ya thibelo
Lekgotleng le phahameng la Afrika Borwa, e le kopo e thibelang ICD ho tswela pele kapa e laelang ICD ho phethisa.
Motho ya lakatsang ho tletleba ka boitshwaro bo bobe bo bolelwang bo entswe ke e mong wa basebeletsi ba ICD a ka hlahisa tletlebo eo ho Molaodi wa phethahatso wa ICD.
Motho ya lakatsang ho hlahisa tletlebo ka ketso kapa diketso tsa ICD kapa ho hloleha ha yona ho phethisa, a ka hlahisa tletlebo ya hae ofising ya
Mosireletsi wa Setjhaba.
